Gaurkoan Patxi errementariaren ipuina uzten dizuet, bere on line bertsioan.
irakurriz
lunes, 7 de mayo de 2012
jueves, 3 de mayo de 2012
Artzain gezurtia
Gaur beste on lineko ipuin batekin natorkizue, baina oraingo honetan haurrak eurak dira narratzaile egiten dutenak. Mota honetako jarduerak klasean prestatzea aukera paregabea da haurren irakurzaletsauna pizteko.
miércoles, 2 de mayo de 2012
Euskarazko produktuen katalogoa
www.katalogoa.org webgunean hilabetero 16 urte bitarteko gaztetxoentzat argitaratu diren produktuen berri ematen digute.
Buletin honetara harpidetu nahi
baduzu, egin klik lotura honetan www.katalogoa.org/buletina.
Hemen dituzue maiatzeko liburu eta komikien erreferentzia batzuk:
Komikiak |
Udaberririk ankerrena | ||
1937ko udaberriko lehenengo egunak dira. Mari eta Martin neska-mutikoak, aittitte Eleuteriogaz batera, Durangora bidean doaz tropa faxistak Intxortako frontearen kontrako azkeneko erasoaldiari ekitear direla. | ||
Prezioa: | 11-20 € | |
Adina: | 14-16, Helduak | |
Komikiak |
Liburuak |
Amatxo eta ni | ||
Zein handia den amatxo! Baina ez soilik Kuxkur amatxo baino askoz txikiagoa delako. Ez, amatxo berez da zoragarria! Oso ausarta da, eta arrisku guztietatik babesten du, berarekin jolasten da eta fruiturik goxoenak biltzen dizkio. | ||
Prezioa: | <10 € | |
Adina: | 00-04 | |
Liburuak |
Enara Ttipia | ||
Enara ttipiak bizitzan barnako bidaiari heltzen dio, ausart, xalo eta baikor. Ikusnahia eta sena bidaide bikainak izanen ditu Enarak. | ||
Prezioa: | 11-20 € | |
Adina: | 05-09, 10-14 |
Liburuak |
Hasiera | ||
«Hasiera» liburu ilustratuak islatzen ditu izuaren aurreko samurtasuna, erabateko prekarietatearen aurreko irudimena, giza dramaren aurreko kemena. | ||
Prezioa: | 11-20 € | |
Adina: | 05-09 | |
Liburuak |
Hodeietan | ||
2011ko sarietan Gazteei zuzendutako zientzia-narrazioak kategorian saria jasotako proiektuaren emaitza da eskuartean duzun lan hau. Kategoria honetako lanak gazteei zuzendutako narrazioak dira, euskaraz sortuak. | ||
Prezioa: | 11-20 € | |
Adina: | 10-14, 14-16 | |
Liburuak |
Iban Aldeanurikoa (II) - Berehorraren ondarea | ||
Iban eta Errion-Thaleko bere lagunak inbaditzaileen aurka guztia emateko prestatzen diren bitartean, bada gizon prestu bat, gatibualdi luze batetik ihes egin duena eta, beste bat, traizio beltzena ehotzeko azpilanean dabilena. | ||
Prezioa: | 11-20 € | |
Adina: | 10-14, 14-16 | |
Liburuak |
Ilargia lapur | ||
Fantasiaz eta irudimenaz baliatu da Pablo Albo kontakizun honetan, eta goxotasunez eta umorez landu du haurrentzat eta gurasoentzat zaila gertatzen den erronka: txupetea uztea. | ||
Prezioa: | 11-20 € | |
Adina: | 00-04 | |
Liburuak |
Larunbatean Bukowskin | ||
Irailaren zazpian, Donostiako Bilintx institutuan ikasturte berria hasi da. Urtero legez, tribu ezberdinak nahastuko dira bertan: modernoak, frikiak, punkiak, hip-hoperoak eta apatxe bakartiak. | ||
Prezioa: | 11-20 € | |
Adina: | 10-14, 14-16 |
martes, 1 de mayo de 2012
viernes, 27 de abril de 2012
lunes, 23 de abril de 2012
Liburuaren nazioarteko eguna
Gaur Sant Jordi edo Jurgi Deunaren eguna da: liburuaren nazioarteko eguna.
Katalunian usadioz Diada de Sant Jordi delakoa, maiteminduen eguna da, honetan pertsonek euren bikotekide eta estimatutako pertsonen artean arrosa eta liburuak
elkartrukatu edo oparitzen dira. Usadioa gizonak emakumeari arrosa eta
emakumeak gizonari liburua oparitzea da. Uste denez emakumeari arrosa
oparitzeko ohitura ziurrenik XV. mendekoa izango litzake. Garai hartan apirilaren 23an Kataluniako Generalitatearen Jauregiko San Jurgiren kaperako mezara zihoazen emakumeei arrosak eskaintzen zitzazikien. Gaur egun arrosa senyera bat eta gari zuztar batez lagundurik doa. Arrosaren kolore gorriak pasioa isladatzen du, senyerak Kataluniako santu zaindaria eta gari zuztarrak berriz ugalkortasuna.
Liburuaren eta Egile Eskubideen Nazioarteko Eguna.
Cervantes,
Shakespeare eta Inca Garcilaso de la Vegaren heriotzaren urtemuga
(1616ko apirilaren 23an hil ziren) gogoratuz, 1932. urtetik ospakizun
bihurtu du UNESCOk egun hau, irakurzaletasuna, argitalpen industria eta
jabego intelektualaren babesa sustatzeko helburuarekin
Euskal Herrian ikastetxe eta udal liburutegi gehienetan ospatzen
da urtero Liburuaren Eguna eta aste horretan literatura eta irakurketarekin
zerikusia duten jarduera desberdinak antolatutzen dira.
Egun hau ospatzeko ezer berezirik egin behar al duzu?
viernes, 20 de abril de 2012
Irakurri, gozatu eta oparitu
Liburuaren nazioarteko egunean, apirilaren 23an, abiatuko da Irakurri,
Gozatu eta Oparitu kanpainaren seigarren edizioa. Bi hilabetez 15 herritan
gauzatuko da egitasmoa. Irakurzaletasuna sustatzeko asmoz, elkarlanean jarriko
ditu herrietako Euskaldunen Elkarteak, udal liburutegiak eta
liburudendak.
Apirilaren 23an jarriko da martxan Irakurri, Gozatu eta Oparitu
kanpainaren seigarren edizioa, Topagunea Euskara Elkarteen Federazioak eta 15
herritako Euskaldunen Elkarteek antolatutako ekimena. Irakurzaletasuna
bultzatzea xede duen egitasmo honek herritarrak euskarazko liburuak irakurtzera
animatu nahi ditu, irakurtzearen alde atsegin eta gozagarria azpimarratuz.
Egitasmoa tokian tokiko euskaldunon elkarteen, udal liburutegien eta liburu
denden elkarlanari esker jarriko da martxan eta herrietako eragileen arteko
harremana bultzatzea ere badu helburu. Kanpainaren izenak berak argi adierazten
duenez, hiru pauso eman behar dira bertan parte hartzeko:
- Irakurri
Lehenengo pausoa irakurtzea da; euskaraz irakurtzea, hain zuzen ere.
Horretarako, herriko liburutegi publikora joan, eta euskarazko edozein liburu
maileguan eskatu ahal izango dugu.
- Gozatu
Liburua irakurritakoan, liburutegira bueltatu, eta fitxa sinple-sinple bat
bete beharko da: zein izan den irakurritako liburua, zer inpresio eman digun...
Fitxa hori beteta, liburuzainak erosketa-txekea emango digu, hitzartutako
liburudendan erabiltzeko.
- Oparitu Azken pausoa, liburua oparitzea da: lagun bati, senide bati,... edo, zergatik ez, norbere buruari. Liburutegian jasotako txartelarekin, euskarazko beste edozein libururen erosketaren % 25a ordaintzeko aukera izango dugu, % 50a euskaldunon elkarteko kidea izanez gero.
Nazioarteko Liburuaren Egunean hasita, bi hilabetez
Aurreko bost edizioak moduan, apirilaren 23an abiatuko da aurten ere
Irakurri, Gozatu eta Oparitu egitasmoa, Liburuaren Nazioarteko Egunean.
Uda aurreko hilabeteak baliatzen dira beti egitasmoa sustatzeko, liburuen
irakurketa eta oparitarako garai oso egokia baita hau. Horrela, aurten bi
hilabeteko iraupena izango du kanpainak eta ekainaren bukaerara arte aukera
izango dute herritarrek kanpainan parte hartu eta abantailak baliatzeko.
15 herritan egongo da martxan kanpaina hau datozen bi hilabeteotan,
tokian tokiko Euskaldunon Elkarteek sustatuta:
- Araban: Aramaio (Txirritola), Urkabustaiz (Lan eta Jolas), Legutio (Udal liburutegia) eta Zuia (Bidabarri)
- Bizkaian: Santurtzi (Bai Esan), Ermua (Euskal Birusa), Basauri (Euskarabila), Lezama (Zorrizketan) eta Zamudio (Lagatzu)
- Gipuzkoan: Lazkao (Goierriko Euskal Eskola), Azkoitia (Maxixatzen), Ataun (Murkondo) eta Irun (Irun Iruten)
- Nafarroan: Irurtzun (Aizpea), Lizarra (Garean).
Zozketak, berrikuntza
Irakurri, Gozatu eta Oparitu-ren seigarren edizio honek badakar
berrikuntzarik. Bi zozketa egingo dira liburutegi bakoitzean, maiatzean eta
ekainean parte hartuko duten irakurleen artean; sariak, noski, irakurtzen eta
gozatzen jarrai dezaten lagunduko duten erosketa-txartelak izango dira. Horiei,
tokiko elkarteek, egitasmoaren inguruan antolatuko dituzten ekintzak gehitu
behar zaizkie; solasaldiak idazleekin, liburu azokak, ipuin kontaketak...
Oso garrantzitsuak diren bestelako helburuak ere lortu nahi ditu Topaguneak
ekimen honen bidez:
- Batetik, Euskara Elkarteetako bazkide diren euskaltzaleak liburutegi publikoen erabiltzaile aktibo bihurtzea.
- Era askotako eragile publiko eta pribatuen elkarlana sustatzea, eta eragile horien guztien arteko harreman sarea euskaraz hedatzea.
Egitasmoaren aurreko bost edizioetako balorazio positiboak kontuan harturik
abiatu dute Topaguneak eta herrietako euskara elkarteek seigarren edizio hau.
Izan ere, egitasmoa martxan jarri den herri gehienetan honek eragin positibo
nabarmena izan du herritarrek liburutegi publikoan egiten duten euskarazko
liburu mailegu erabileran; datu positiboa da, egitasmoaren helburuen artean
euskaltzaleak liburutegi publikoen erabiltzaile bihurtzea baitago. Zeharkako
helburu izanagatik, erabilera horrek liburuen salmentan izan duen eragina ere
kontuan hartzekoa izan da eta zenbait kasutan, nabarmena gainera. Oso ondo
baloratu izan da, era berean, egitasmo honi esker era askotako eragile publiko
eta pribatuen arteko elkartana gauzatu izana.
Egitasmoa, Eusko Jaurlaritzaren eta Araba, Bizkaia eta Gipuzkoako Aldundien
babesaz gain, honako argitaletxeen laguntzari esker izaten da posible:
Alberdania, Erein, Elkar, Ibaizabal, Pamiela, Txalaparta eta Susa.
Iturria: www.erabili.com
Suscribirse a:
Entradas (Atom)